Solika het ontstaan uit 'n droom wat jare gelede begin het, toe ek as 'n klein kindjie in 'n huis grootgeword het met 'n pappa wat vol drome en liefde was. Een van sy drome was om 'n plaas en boerdery te hê, en hy het dit reggekry om ‘n stuk grond te besit wat tussen ‘n plot en ‘n plaas was. Daardie grond het hy "Solika" genoem, vernoem na my en my twee sussies: Sonja, Liesé en Karin.

Ek volg steeds in my pa se voetspore, met 'n kop vol drome en 'n hart vol liefde. Een van daardie drome het gegroei tot 'n liefde vir unieke, handgemaakte kuns. My pa het hard gewerk om vir ons te sorg, maar hy het ons ook van kleins af geleer om ons eie geskenke te maak, om kreatief te wees en ons eie twee hande te gebruik om iets spesiaals en unieks te skep. Dit is waar my liefde vir handgemaakte kuns ontstaan het.

Vir my is daar iets besonders aan kuns wat met die hand gemaak is – die tyd, moeite en passie wat daarin ingaan, gee dit 'n unieke, sentimentele waarde. Ek glo daar is niks meer kosbaar as 'n geskenk of 'n stuk kuns wat deur iemand gemaak is wat hul hart, tyd en liefde daarin gesit het nie.

Deesdae leef ek my liefde vir unieke, handgemaakte kuns uit en deel dit met die wêreld. Solika is nie net 'n besigheid nie; dit is 'n manifestasie van daardie liefde, wat ek hoop sal inspireer en waarde bring aan ander wat dieselfde passie vir kuns en kreatiwiteit deel.